کمربند (Waistband

ابن سیرینؒ کے مطابق کمربند باندھنا کسی مرد کی پشت پناہی حاصل ہونے کی علامت ہے۔ موتیوں اور جواہرات سے جڑاؤ کمربند قیمت کے مطابق مال ملنے اور مضبوط سہارے کی علامت ہے، اور اولاد کی پیدائش کی علامت بھی رکھتا ہے۔

امام ابراہیم کرمانیؒ کے مطابق کمر پر تین کمربند باندھنا بہت مال اور نوکر چاکر یا لمبی عمر کی علامت ہے۔ کمربند ملنا اور باندھنا سفر کی علامت ہے۔ کمربند ٹوٹنا یا ضائع ہونا مال اور بزرگی میں نقصان کی علامت ہے۔

امام جابر مغربیؒ کے مطابق جواہرات سے جڑاؤ کمربند قوم کے سردار بننے کی علامت ہے۔ لوہے یا تانبے کا کمربند معمولی فائدے کی علامت ہے۔ تلوار کے ساتھ کمربند ملنا حکمران کے لیے سفر کرنے کی علامت ہے۔

امام جعفر صادقؓ کے مطابق کمربند کی چھ ممکنہ تعبیریں ہیں: باپ یا بھائی یا رشتہ داروں سے فائدہ، اولاد، بزرگی، لمبی عمر، انصاف اور خواہش کا حصول، یا دین کی پاکیزگی۔