زمین

حضرت دانیال علیہ السلام کے مطابق زمین عورت کی علامت ہے۔ کشادہ عمدہ صاف زمین پاکیزہ، باحیا بیوی کی علامت ہے، اور زمین کی وسعت کے مطابق عزت ملے گی۔ زمین میں سبزہ اسلام کی علامت ہے — اپنی زمین کا سبزہ دیندار ہونے کی علامت ہے۔

ابن سیرینؒ کے مطابق زمین پر عمارت بنانا دین و دنیا میں فضیلت کی علامت ہے۔ نامعلوم جنگل جیسی زمین لمبے سفر کی علامت ہے۔ زمین کھود کر مٹی کھانا مال ملنے کی علامت ہے۔ زمین میں دھنس کر غائب ہونا موت کی علامت ہے۔ کنویں یا تہہ خانے کی طرح زمین کھودنا غم اور مصیبت کی علامت ہے۔

امام جابر مغربیؒ کے مطابق زمین کا بات کرنا خیر و صلاح کی خوشخبری کی علامت ہے۔ زمین کا کشادہ ہونا لمبی عمر اور خوشحال زندگی کی علامت ہے۔ زمین ناپنا سفر کی علامت ہے۔

حضرت اسماعیل اشعثؒ کے مطابق زمین کاشت کرنا کسی بڑے کام میں مصروفیت اور عورت سے فائدے کی علامت ہے۔ زمین آباد کرنا اچھے حالات کی، اور خراب کرنا اس کے برعکس اور جھگڑے کی علامت ہے۔ اپنی زمین میں بویا ہوا دیکھنا شراکت اور نکاح کی علامت ہے۔ زمین کا پانی سے غرق ہونا اور فصل تباہ ہونا حکمران سے تکلیف کی علامت ہے۔

امام جعفر صادقؓ کے مطابق زمین کی چار ممکنہ تعبیریں ہیں: عورت، دنیا، مال، یا ولایت۔