جھنڈا

جھنڈا خواب میں عقلمند شخص، امام یا زاہد شخص کی علامت ہے جس کی لوگ رہنمائی کرتے ہیں۔ ہاتھ میں جھنڈا ہونا کسی معزز شخص سے راحت پانے کی علامت ہے۔ جھنڈا ہاتھ سے گرنا یا کھو جانا اس کے برعکس ہے۔

امام ابراہیم کرمانیؒ کے مطابق جھنڈا سفر کی علامت ہے۔ لوگوں کا جھنڈا دینا یا لشکر جمع ہونا عزت اور بزرگی کی علامت ہے، خاص کر اگر جھنڈا سفید یا سبز ہو۔

امام جابر مغربیؒ کے مطابق بڑا سفید جھنڈا کسی بزرگ مالدار شخص کی صحبت کی علامت ہے۔ سبز جھنڈا زاہد ہونے کی، اور سیاہ جھنڈا قاضی یا خطیب بننے کی علامت ہے۔

امام جعفر صادقؓ کے مطابق جھنڈے کی چار ممکنہ تعبیریں ہیں: سردار، سفر، مرتبہ، یا اچھے حالات۔