ماتھا

ابن سیرینؒ کے مطابق ماتھا عزت اور مرتبے کی علامت ہے، کیونکہ یہ سجدے کی جگہ ہے۔ بعض کے نزدیک یہ خوشحال اولاد کی علامت ہے۔ ماتھے پر نشان دیانتداری اور پرہیزگاری میں شہرت کی علامت ہے۔ ماتھے پر مار کر خون بہنا عزت میں اضافے کی علامت ہے۔ ماتھا چھوٹا ہونا اس کے برعکس ہے۔

ماتھے پر بال اگنا قرض کی علامت ہے۔ ماتھے پر سوجن مال میں اضافے کی علامت ہے۔ ماتھے سے سانپ یا بچھو نکلنا دشمنوں سے تکلیف کی علامت ہے۔

امام جابر مغربیؒ کے مطابق ماتھے پر آنکھ ہونا گھریلو معاملات پر خاص توجہ کی علامت ہے۔ ماتھے پر سبز تحریر نیک اولاد کی، رحمت کی آیت اچھے انجام اور شہادت کی، اور عذاب کی آیت اس کے برعکس کی علامت ہے۔

امام جعفر صادقؓ کے مطابق ماتھے کی چھ ممکنہ تعبیریں ہیں: عزت، بزرگی، مالدار اولاد، معاش، سرداری، یا سخاوت۔