بکری

ابن سیرینؒ کے مطابق بکرا خواب میں مرد کی، اور بکری عورت کی علامت ہے۔ نامعلوم بکرے کو مارنا کسی بڑے آدمی پر فتح کی علامت ہے۔ بکرے کا بچہ ملنا مال کی علامت ہے۔ بکرے پر سوار ہو کر چلانا کسی بڑے آدمی سے چالاکی سے مطلب نکالنے کی علامت ہے۔ بکرے کا پیٹھ سے گرانا مرتبے سے گرنے کی علامت ہے۔ بکرے کے بال زیادہ ہونا مال میں اضافے کی علامت ہے۔ بکری ملنا شادی کی علامت ہے۔

امام ابراہیم کرمانیؒ کے مطابق بکری کا دودھ دوہنا بیوی سے مال ملنے کی علامت ہے۔ بکری ذبح کر کے گوشت کھانا بیوی سے ضرورت پوری ہونے کی علامت ہے۔ بکری گھر سے نکالنا طلاق کی علامت ہے۔ بکریوں کا ریوڑ رکھنا اس علاقے میں خوشحالی کی علامت ہے۔

امام جابر مغربیؒ کے مطابق بکری کا گوشت کھانا بیماری کے بعد جلد شفا کی علامت ہے۔ بکری کا دودھ اور بال خیر و برکت کی علامت ہیں۔ بکری کا بچہ ملنا مبارک بیٹے کی پیدائش کی، اور اسے مارنا اولاد کی موت کی علامت ہے۔

امام جعفر صادقؓ کے مطابق نر بکرا لشکر کی اگلی صف کی علامت ہے — اس پر سوار ہونا سرداری کی، اور عام شخص کے لیے کسی سردار سے تعلق اور دولت کی علامت ہے۔