گونگا پن

ابن سیرینؒ کے مطابق خود کو گونگا دیکھنا درویشی اور بدحالی کی علامت ہے۔

امام ابراہیم کرمانیؒ کے مطابق کسی کا خود کو گونگا دیکھنا دین کی تباہی اور نقصان کی علامت ہے، جیسا کہ قرآن میں ہے: صُمٌّ بُکْمٌ عُمْیٌ فَھُمْ لَا یَرْجِعُوْنَ (وہ بہرے، گونگے اور اندھے ہیں، سو وہ رجوع نہیں کرتے)۔

امام جعفر صادقؓ کے مطابق گونگا ہونے کی سات ممکنہ تعبیریں ہیں: درویشی، بدحالی، غم، عیش کا نقصان، مصیبت، مالی نقصان، یا دین کا نقصان۔ گونگے کی زبان کھلنا رکے ہوئے کام کی کشادگی کی علامت ہے۔