بھیڑیا

ابن سیرینؒ کے مطابق بھیڑیا جھوٹے، ظالم حکمران کی علامت ہے۔ بھیڑیے سے لڑنا کسی حکمران یا بڑے آدمی سے جھگڑے کی علامت ہے۔ بھیڑیے کا دودھ پینا خوف کی، یا کسی کام کے کفایت ہونے کی علامت ہے۔

امام ابراہیم کرمانیؒ کے مطابق بھیڑیے کو مارنا مسلمانوں کے منہ پھیرنے کی، یا دشمن پر فتح کی علامت ہے۔ بھیڑیے کا سر ملنا شرف اور بزرگی کی علامت ہے۔ بھیڑیے کا گھر میں نقصان کرنا حکمران کی طرف سے نقصان کی، اور نقصان نہ کرنا مہربان حکمران سے فائدے کی علامت ہے۔

امام جابر مغربیؒ کے مطابق بھیڑیے کا بستر میں چھپا ہونا حکمران کے گھر والوں سے فساد کرنے کی علامت ہے۔

امام جعفر صادقؓ کے مطابق بھیڑیے کی تین ممکنہ تعبیریں ہیں: ظالم حکمران، جھوٹی عورت، یا (مادہ بھیڑیا) کمزور دشمن۔