کمال تقویٰ کی نادر مثال

جس طرح حضرت یوسف علیہ السلام کو اپنی پاکیزگی کی قیمت کئی سال قید میں گزار کر چکانی پڑی، اسی طرح ابن سیرینؒ کو بھی اپنے تقویٰ کی وجہ سے مشکل وقت کا سامنا کرنا پڑا۔ ابن سعدؒ کے مطابق ابن سیرینؒ نے چالیس ہزار درہم کا اناج تجارت کے لیے خریدا، مگر بعد میں پتہ چلا کہ یہ اناج کچھ مشکوک طریقوں سے حاصل کیا گیا تھا۔ انہوں نے سارا اناج غریبوں میں تقسیم کر دیا، مگر اس کی قیمت ان کے ذمے قرض کے طور پر باقی رہ گئی۔ ایک قرض خواہ عورت نے مقدمہ کر کے انہیں قید کروا دیا، اور وہ اس وقت تک قید میں رہے جب تک پوری رقم ادا نہ کر دی۔