بات چیت

ابن سیرینؒ کے مطابق مختلف زبانوں میں بات کرنا مختلف علامتیں رکھتا ہے۔ عربی زبان بزرگوں سے عزت اور نبی کریم صلی اللہ علیہ وسلم کی حدیث سننے کی علامت ہے۔ فارسی زبان بزرگوں کی صحبت اور نیکی کی علامت ہے۔ عبرانی زبان مال اور وراثت کی علامت ہے۔ ہندی زبان کسی بےاصل کینہ پرور شخص سے واسطہ پڑنے کی علامت ہے۔ ترکی زبان دیہاتیوں کی صحبت کی، اور دیگر غیر ملکی زبانیں مختلف علامتیں رکھتی ہیں — بعض بری بات سننے کی، بعض ناانصاف شخص سے واسطے کی۔

امام ابراہیم کرمانیؒ کے مطابق ہر زبان میں بولنا اور سننا جس کام سے شروع کرے گا اس سے فائدہ ملنے کی علامت ہے۔

امام جعفر صادقؓ کے مطابق اپنے جسم کے کسی عضو سے بات کرنا خود اپنے خلاف سچی گواہی دینے کی علامت ہے، جیسا کہ قرآن میں ہے: یَوْمَ تَشْھَدُ عَلَیْھِمْ اَلْسِنَتُھُمْ وَاَیْدِیْھِمْ وَاَرْجُلُھُمْ (جس دن ان کی زبانیں، ہاتھ اور پاؤں گواہی دیں گے)۔