رسّی

ابن سیرینؒ کے مطابق رسی عہد و پیمان کی علامت ہے۔ ہوا میں رسی سے لٹکنا اس کی بلندی کے مطابق مرتبے کی علامت ہے۔ رسی ہاتھ میں رہ جانا اور خود گر پڑنا مرتبے سے گرنے کی علامت ہے۔

امام ابراہیم کرمانیؒ کے مطابق آسمان سے لٹکی رسی تھامنا اللہ سے کوئی عہد کرنے کی علامت ہے (جیسے بیماری میں شفا پر توبہ کا وعدہ)۔ ہاتھ پاؤں میں رسی ہونا دین سے مضبوطی سے جڑے ہونے کی علامت ہے، جیسا کہ قرآن میں ہے: وَاعْتَصِمُوْا بِحَبْلِ اللّٰہِ جَمِیْعًا (سب مل کر اللہ کی رسی کو مضبوطی سے تھامو)۔ گردن میں رسی ڈالنا کیے گئے وعدے میں تاخیر کی علامت ہے۔

امام جعفر صادقؓ کے مطابق رسی کی چار ممکنہ تعبیریں ہیں: عہد و پیمان، دین، امانت، یا خواہش کا پورا ہونا۔