شل (اونی چادر)

ابن سیرینؒ کے مطابق شل مرتبے اور بزرگی کی علامت ہے۔ نئی پاکیزہ شل مرتبے میں اضافے کی، اور اس کے برعکس اس میں کمی کی علامت ہے۔ چادر پھٹنا یا جلنا کسی عزیز کی موت کی علامت ہے۔

حضرت دانیال علیہ السلام کے مطابق چادر امانتداری اور دین کی طاقت کی علامت ہے۔ زرد چادر سخت غم کی علامت ہے۔

امام جابر مغربیؒ کے مطابق سفید چادر پارسا بیٹے کی، سرخ چادر عیش پسند بیٹے کی، اور سیاہ چادر عالم یا قاضی بیٹے کی علامت ہے۔

امام جعفر صادقؓ کے مطابق چادر کی دس ممکنہ تعبیریں ہیں: عزت، ولایت، اولاد، دولت، بزرگی، مال، فائدہ، علم، دین، یا تلوار۔